الشعر الوطني .. هذا العراق

هذا العراق

لا والله ماننسى، وعمت عين النسى
واللي یگلك نسیت، گله ولك تخـسى
هذا العراق، شلون گلبك عليه يقسى
لاتظنه محتاج عطفك، ولك لت لمسه
دظل أبعيد أحسن،أخاف أبجفك أتنگسى
..

حكمت البيداري

لعُيون العراقية

لعُيـــــون العراقيـــة


لعُيـــــون العراقيـــة، الميّهــا زُلال
طعـم العسل واطيب، شَــهدَه حَلال
لوضـحكت أدمّـر، أتفلـــش جبـــال
ويـله ياويـله، من يگــرب الخیــال
لو صوبته بنظـره، ينچتل بالحـــال


بعُيون العراقية ..

چفـــوف العراقيــــة، يـادوا المعــلول
لمســـتها علويــه، أطــيب المشـــــلول
واللي گعـد فيها، أمراضـه كلها أتزول
واللي سكن عشها، ويّاها عمره يطـول
نـور الحيــاة هيَّ، بـدر وگمـر وهــلال


منوره العراقية ..


هنيـــال عاشـــگهـا، هنيـــــاله هنيـــال
يامســعده الحبهـا، والگلبــه الهــا مـال
نعمـة الوفى بالحب، بيها الحمـل مامال
نشــــميه هـل خيّــا، لو ربـت اجيـــــال
صگور وأسود سباع، ابطال ولد ابطال


ولد العراقية ..


بطبــع العراقيـة، معروفـه الخصال
تنصــاغ بس الهـا، تنـگال الأمثــال
باگــت ورد حلــوه، رقـــه وجمـــال
والعقـــــل زينـــــه، والحســـن دلال
عفه وكرامه وشرف، وغيرة رجـال

والنعم عراقية ..

حكمت البيداري
7.11.2007

گلّي عراقي، وأخذ عيناي

ياطيبة العراقي

ياتمر نخلتنا
يالبن ديرتنا
ياخبزة التنور
من خير حنطتنا
ياگيمر المعدان
يا أستكان الچاي

يا ناگوط الطيب
من حِب الحبيب
طعم العسل وأحلى
صدگني ياخايب
روح الحياة
مو ماي

يا صوت الربابه
للفاگد احبابة
يادگت العود
والجوزه جوابه
يارگصة الچوبي
ياونت الناي

يا أبو الخيرات
دجله والفرات
يامهد الحضارات
وبيت النبوات
ياسيف المجرب
والشاهد أعداي

هلا بيك
هلا بگلبك
هلا بروحك
هلا بريحتك
أحضنها وأشمنها
وأحبنها هواي

يل مني وبيا
يابعد أمي وأبيا
دم وجسد
لاخر نفس بالريّا
أضل خويك
وتضل أخواي

التفرقه، بذرة فِتن
زرعوها أعداء الوطن
لاتگربلها وخلها
أتركها ياكلها العفن
هيَّ المرض
هيَّ الداي

لا تگلّي سني وشيعي
لاتگلّي عربي وكردي
لا مسيحي وصابئي
لاتركماني ويزيدي
گلّي عراقي
وأخذ عيناي

حكمت البيداري

اليخونه، نكسر ظلوعه

اليخونه، نكسر ظلوعه

العراق
خير وبركه
لـكل الشـعب
موبس، سـنه وشـيعه
*
العراق
حب وحنان
طيبـه وعافيـه
لليحبه ويباريه ويطيـعه
*
العراق
شرفنا كلنا
والدفــاع عنَّا
واجب والمعركه مشروعه
*
العراق
گاعك وگاعي
بينتــك وبيــتي
وطنـا وعيـب نضيـعة
*
العراق
ما ينبـاع
أهـله ســـباع
وتفگـس عيـن اليبيـعه
*
العراق
هوّا روحنـا
أبونــا وأمنـــا
واليخونه، نكسـر ظلوعه
*
*
*
حكمت البيداري

كافي نفاق ياعرب

ياعرب ..

ياجماعة الخير
ترانا ملينا
منكم ومن حجيكم
أغسلنا أدينا
أنتم عرب بس بالأسم
لاصوره ولارسم
مابيكم اليرفع راس
وأفعالكم شينا على شينا
ملينا من نصائحكم
ملينا من شتايمكم
تدعون الشرف
ولكم
وين الشرف
تدعون غيره
ولكم
وين الغيرة
أكلتونا
حاصل فاصل
خدعتونا
وحسابكم واصل
أبحقدكم
وكرهكم
وحسدكم
لوين وصلتوا
لوين وصلتونا
ياهارون
يارشيد
ياصدام
يامجيد
على جم حبل وحبل
أتلعبون وتلعبونا
مو كافي عاد
تعشونا عزة وكرامة وأمجاد
وقبل ما تطلعة الشمس
أتبيعونا وي بغداد
موكافي عاد
شروا هدومكم
وعوفولنا أهدومنا
غسلوا عيوبكم
وماعاليكم بعيوبنا
ولكم
منوا وكلكم علينا
اللي يبيع فلسطين
يبيع أبو العراق
ولكم كافي دجل
ولكم كافي نفاق

كافي نفاق ..

بيدارو

أذا أنـتَ أخــو أخيتـــك

أذا أنـتَ أخــو أخيتـــك
دافــع عــن العــــــراق

أذا ردت تحـمـي بيتــك
گــص لســـان النفــــاق

أرفـع راســك لا تميــل
بالك من أهـل الشـــقاق

الشـريف الحر الأصـيل
للتضحية يكـون ســباق

حطـوا أيد بأيد ومشــوا
للعــزم شــدوا نطــــاق

وبحضن الوطن عيشوا
أخوة وأصحاب ورفـاق

حكمت البيداري
21-2-2008

أطلقوهـا ثـورة

أعلنوهــا حــرة
بصرخة كبـرى
بوجه الغـــــزاة
حكــام طغـــــاة
أطلقوهـا ثــورة

رفــــاق دربـي
أبنـــاء شــعبي
هيــا أنهضــــوا
كفـــانا ســبات

عراقُنـا ينُــادي
شــباب بـلادي
هلمــــوا بنـــا
نصـنع الحيــاة

كفــانا خنــوع
لماذا الخضوع
لا لــن نمــوت
عطـش وجـوع

محمد يسـوع
توحدوا جموع
لغيــــــــر الله
لا لا ركــــوع

حكمت البيداري

شعر شعبي عراقي وطني .. گالولي

گالولي!

وأجاني صوت
من الجيران

زعل منّك
فلان وفلان

گلت عد
هوايه حيطان

وأذا ماكفّت
عدهم الگاع

وأذا همّه زلم
راس براس
أذا همّه سباع

گولوهم،
يگول فلان
أني عراقي
والعراقي
بعد مايتندم
ولا يتأسف
على اللي ضاع

ومايجامل بالوطن
ولا بالشرف
ولا بالدين
وهاي عنده عقيدة
وطبع صار
من أحلى الأطباع ,,

بيدارو
22-3-2008